شاهد المقطع المسرب وسبب أيقاف برنامج بسمة وهبة وغلق قناة القاهرة والناس

أسباب منع بسمة وهبة

1٬416

شاهد المقطع المسرب وسبب أيقاف برنامج بسمة وهبة وغلق قناة القاهرة والناس سبب أيقاف برنامج بسمة وهبة وغلق قناة القاهرة والناس ايه اللي حصل مع المدحرج

بص عشان #بسمة_وهبة هتبقي ترند اليومين دول.. فخليني اقولك ايه اللي حصل من دلوقتي..

اللي حصل بسمة مش عضوة في نقابة الإعلاميين .. حلو.. حلو .. عملت كام حلقة منهم حلقة ماجد المصري واللي اتريق فيها على الافارقة.. وقال ان في واحد صاحبه قاله جايبالك بنات بيحبوك فجابهم العربية وكانوا ملثمين ..

ولما بينوا وشهم وعرف انهم افارقة زعل قوي.. وقال لصاحبه دا مقلب تعمله فيا..

طبعا عنصرية وتنمر في بلد رئيسها بيتنمر على التخان كل 3 دقايق. فعادي.

عشان تعرف كل حلقات بسمة مسجلة مفيش حاجة هوا خالص.. اللي حصل انها استضافت ياسمين الخطيب.. #ياسمين_الخطيب لطشت في #خالد_يوسف.. وقالت انه كان جوزها وع سنة الله ورسوله يا بسمة..

هو تقريبا كل حلقة لازم تسأل الضيف لا عن خالد يوسف لا عن محمد رمضان عشان تسخن الحلقة .. وسالت وفاء عامر عن الاتنين (وفاء 1.. بسمة 0).

المقطع المسرب وسبب أيقاف برنامج بسمة وهبة

أسباب منع بسمة وهبة

المهم يا سيدي .. بسمة طلبت من (القاهرة والناس) يحذفوا حاجات من حلقة ياسمين .. القاهرة والناس عملت نفسها من بنها.. وذاعوا الحلقة كاملة.. طلعت بسمة استقالت وقالت مش مكملة.. راح خالد يوسف رفع عليها قضية هي والقناة.. راح المجلس الاعلى للإعلام واقفها وقالك عشان عنصرية ماجد المصري ولحين ما توفق اوضاعها مع نقابة الإعلاميين.. روح يا سيدي القناة معرضتش حلقة ياسمين في الاعادة وذاعت حلقة جورج قرداحي ( ما ذنب جورج).

طيب ايه اللي هيحصل .

السيد علاء عابد .. جوز بسمة ( رئيس لجنة حقوق الانسان في مجلس الشعب وظابط مفصول عشان قضية تعذيب ) هيتدخل وهيعزم الناس في (مطعم بلكونة) ع البيض المدحرج .. وادحرج واجري يا رمان.. وهيطلعلها كارنيه النقابة.. وموضوع ماجد هيتطرمخ عليه .. وقناة القاهرة والناس هتتصالح معاها.. يتبقى خالد يوسف ..دا معارض دا ملناش دعوة بيه ( بصوت أحمد زكي في ضد الحكومة).. سبب أيقاف برنامج بسمة وهبة وغلق قناة القاهرة والناس