أهمية أسم ياسين منصور للنادي الاهلي ولماذا وقع الاختيار علية ل أدارة شركة الاهلي
أهمية أسم ياسين منصور للنادي الاهلي ولماذا وقع الاختيار علية ل أدارة شركة الاهلي لكرة القدم في يوم من الأيام نجيب ساويرس قال تصريح كان عاكس لحاجات كتير .
قال فيه إنه لو قرر يستثمر في الرياضة هيكون الأهلي اختياره الوحيد وإن براند الأهلي هو الإستثمار المضمون بنسبة 100٪ .
وهنا هتكلم عن أكبر استفادة هيجنيها الأهلي من إنشاء شركة كورة لأن دي الطريقة والآلية إللي هيتحول بيها قطاع كرة القدم لقطاع (استثماري )
وهنا هتبتدي تبان الفروقات الحقيقية ع الأرض بين الأندية صاحبة الادوات العملاقة والأندية الهجاصة إللي عبارة عن بالونة فارغة
يعني لو انت بتستثمر في براند نادي هو الأكثر قاعدة جماهيرية والاكثر تفاعل على جميع المنصات
والاكثر قيمة سوقية
وكذلك الاكثر تنظيماً وحفاظا على حقوق راعيه والاكثر بطولات والاكثر نجاحاً محلياً وأفريقياً والاكثر عراقة
والاكثر تمثيلاً لبلاده في المحافل الدولية انت كـ مستثمر هتحتاج إيه أكتر من كده
عشان تسعى إنه يجمعك شراكة بيه؟
أهمية أسم ياسين منصور للنادي الاهلي
لذلك إختيار إسم ياسين منصور كان بناءاً ع الخلفية الإقتصادية الناصعة للراجل بما أن الشركة هدفها الأساسي اقتصادي بحت لأنها هتكون متحكمة في (اقتصاد كرة القدم الأهلاوي )
كواليس عودة ياسين منصور للنادي الأهلى
وبالتالي اقتصادي عملاق + أهلاوي كبير = ياسين منصور وهنا في نقطة محتاجة توضيح ياسين منصور ياخوانا مش جاي يدعم ولا جاي يجيب صفقات الكلام ده ممكن نقوله على سبيل الدعابة للزملكاوية
إللي هروا على نفسهم بمجرد ماسمعوا إسم ياسين منصور
لكن الحقيقة إن الراجل جاي يدير والإضافة إللي هيعملها هي إضافة (فكر اقتصادي ) مش شوية فلوس
وعشان إللي بيسأل عن
أهمية إنشاء الشركة
١- شركة الكورة هي الملجأ الشرعي ليك حال تطبيق قواعد اللعب المالي النظيف
٢- شركه الكورة إللي هتعمل( الفجوة الإستثمارية) الكبيييييرة بينك وبين كل أندية مصر
٣- شركة الكورة إللي هتُكسب قطاع الكرة الصيغة الاحترافية والأكاديميات والأستاد وكل البنية التحتية الخاصة بقطاع الكورة هيتم إنشاءها بفكر اقتصادي محترف عبر الشركة
وده سبب الفزع إللي انتاب الزملكاوبة من إنشاء الشركة عشان كل نادي هيعرف قيمته تسويقياً وانتهى زمن الكلام
