آداب زيارة المولود الجديد آداب أسلامية للمولود دعاء للمولود الجديد

٣- لا تبوسي الطفل فالجراثيم قد تسبب له الامراض او حتى الوفاة اذا ما كانت مناعته قوية المشاعر الكذابة بلاها ✋🏻.

٤- لا تروحي اذا كنتِ مريضة؛ والله ما حدا بيعتب عليكي اذا اتصلتي و اعتذرتي.

تعلم آداب زيارة المولود الجديد

٥- لا تصوري الطفل الرضيع الا بعد استئذان امه، و لا تنشري صوره على مواقع التواصل الاجتماعي الا بعد موافقتها.

٦- كوني خفيفة الظل و لا تعمليها زيارة بعمارة وتجيبي معك عر ولاد وتفتحي مدرسة بحجة جاية تباركي لانو البيبي بكون حساس ومو لقيان والام اكيد بحاجة للنوم اثناء غفوات صغيرها.

٧- لا تسالي الام اذا كانت ناوية تجيب بيبي تاني. اتركيها بحالها؛ و لا تستهوني وجعها باستخدام السمفونية الشهيرة

“اي شبك القطة بتولد”!!!.

٨- اذا كانت المولودة بنت لا تواسيها للام و تقوليلا “الله يبعتلك صبي و معليش

لا تزعلي اللي جابت البنت بتجيب الصبي…”
البنت متلا متل الصبي و ما حدا زعلان من جية البنت ريحي حالك انتي

٩_ لا تنتقدي الاسم اللي اختارو، اذا ما عجبك احتفظي برايك لحالك، الناس اذواق و بعدين اكيد هنن

ما اختارو اسماء اولادك.

١٠- اذا عندك نصيحة حلوة قوليها بدون ما تهزئي الام ووتتفهمني عليها… و لا تقضي الزيارة انتقادات على هيك

بصير و هيك ما بصير.
احترمي خيارات الام و قوانينها و الاسلوب اللي متبعتو مع طفلها، بلاها النصائح الذهبية تبع شيلي من ايدك

هلق بيتعود عالحمل و لا تعطيه صناعي و لا تعطيه لهاية و اللذي منو.