أحذرى النكد قبل نوم الأطفال.. أضرار النكد والزعل قبل النوم
أحذرى النكد قبل نوم الأطفال الدقائق ال قبل النوم أكتر وقت عقلنا بيخزن معلومات و مشاعر بتأثر على أحلامنا و أفكارنا و رؤيتنا لليوم ال بعده😦
مهم وضروري أن أطفالنا يناموا مبسوطين و حاسين بالحب و الأمان ❤ يومهم بيكون مشحون أحداث و ضغوط و مشاهد مختلفة محتاجين نفرغ السلبي منها و ندعم الحلو و نشحن طاقة ايجابية لليوم التالي👍 ، علشان كدا لازم تعمل الحجات دي قبل ما طفلك ينام👇 :
أضرار النكد والزعل قبل النوم
١.تجنب اللوم و التحذير و النتبيهات👊
٢. تقرب من طفلك وتقعد جمبه ع السرير و تحكي و تطبطبي و تبوسيه وتهزري وتضحكي🤗
٣.حاول تشكر أو تثني على تصرف ايجابي و لو صغير عمله طفلك فى اليوم حتى لو كان مجرد إنه وصل طبقه للمطبخ مركنوش😀.
٤.نسمح له يساعدك ويشاركك الاعمال والمهام اليوميه والمنزليه زي التنظيف وشراء اغراض المنزل مثلا😉.
٥.قراءة القرآن أو قصة لطيفة بها بعد ديني أو إخلاقي أو ترفيهي بسيط👌
٦.نرسم خطة جديدة او سفر او خروجة أو زيارة😊 .
أحذرى النكد قبل نوم الأطفال
٧. تحاول تشجعيه و تساعدة يشوف نجاحه و انجازه فى اليوم ال بعده.✊
٨. تحاول تتفادي إن الطفل ينام دمعته على خده او حزين بسبب دراسة او سلوك عمله😑.
أحذروا النكد قبل النوم
بسمة الحب و الأمان و الثقة على وجه طفلك قبل النوم بترسم و تلون احلامه قبل النوم و تصرفاته طول اليوم😍
وافتكروا و انتم بتنيموا اطفالكم كل يوم فى السرير تطبطبوا و تلمسوا شعرهم و تقبلوهم بحب و حنان و انتم بتغطوهم عشان يحسوا بالأمان😊.
اللحظة دي بتفضل فى ذاكرتهم حية و اضحة من طفولتهم لآخر يوم فى حياتهم👌
