يعنى ايه توحد ؟
يعنى ايه توحد ؟
التوحد اضطراب فى النمو العصبى عند الطفل بيظهر قبل سن ٣ سنين ، وبيخلى الطفل عنده مشاكل كتير فى التواصل والكلام والتفاعل والمهارات .
طب ايه الأعراض اللى ممكن تلاحظيها فى فترة الرضاعة ؟
* الطفل الطبيعى دايما عيونه مركزه مع مامته وهو بيرضع لكن التوحدى تحسى ان عنيه مش جايه فى عنيكى ونظراته مشتته .
* تيجى تضحكيله ميضحكش ، مفيش عنده انتباه للأصوات اللى بيسمعها ولا يلتفت ليها ،
تيجى تحضنيه وتدلعيه وتلعبى معاه تحسى انه عايش فى عالم لوحده ..
-
اسباب مرض التوحد
* مفيش عنده استجابه لتعبيرات وشك ، تقوليله بخ ، عو ، برضه مفيش استجابه ، معظم الأطفال لما تمدى ايدك لهم وتضحكى فى وشهم تلاقيهم بيمدو ايديهم ويضحكو لكن التوحدى مبيعملش كدا .
* لما تنادى عليه باسمه ميلتفتش خالص ، كمان بيكون عنده تأخر فى النطق والكلام عشان التواصل والتقليد بيكون عنده ضعيف جدا فدا بيأثر على النمو اللغوى عنده .
ماهو مرض التوحد
* بتلاقيه بيهز راسه ويحرك ايده يمين وشمال ودراعه أو يرفرف ويعمل حركات دائرية ، بينط فى البيت زى الأرنب ويلف حوالين نفسه ، دايما عايش مع ذاته مش بيلعب مع أطفال ولا يندمج معاهم .
* مش بيعرف يعبر هو عايز ايه ولا بيشاور ولا عايز العاب خالص وأوقات هيا لعبه واحده اللى ماسك فيها ومركز معاها . لاحظيه بيحب حد يحضنه ولا لا ، لأن كتير من أطفال التوحد مبتحبش حد يحضنها .
علاج مرض التوحد
![يعنى ايه توحد ؟](http://4uou.com/wp-content/uploads/2019/06/l-copy.jpg)
* بيصرخ ويصوت ويعيط كتير وأحيانا يضحك بدون سبب .
دى بعض الأعراض مش كلها ، لازم تكونى صريحة مع نفسك أول لما تحسى ان الأعراض دى موجوده اجرى على طول لأخصائى توحد عشان يساعدك لأن التدخل المبكر فى الحالات دى بيكون مهم .
أطفالكم أمانه فى رقبتكم 💟
مقال من المصدر عن التوحد
فوائد الزنجبيل المطحون مع العسل