سبب تعاقد الاهلي مع الدبابة السنغالية اليو بادجي
سبب تعاقد الاهلي مع اليو بادجي
سبب تعاقد الاهلي مع اليو بادجي من كام شهر الاهلي كان عايز يتعاقد مع مدرب كويس .. جهاز الكرة في الاهلي ماشغلش تفكيره بالCV و راهن على فكر و شخصية مدرب يكون بيقدم كورة تناسب الاهلي ووسط سخط وغضب من الجمهور- وانا منهم – راهن على “رينيه ڤايلر ” وشاف فيه المدرب الطموح اللي محتاج فرصة واجواء مناسبة للظهور والايام اثبتت ان اللي اختار كان صاحب رؤية وعين خبيرة
سبب تعاقد الاهلي مع اليو بادجي
الامر اتكرر بشكل مشابه لما احتاجنا نتعاقد مع مهاجم وهنا جهاز الكرة م اختارش من خلال الفيديو اللي التقييم من خلاله بيكون تقييم غير موضوعي ومن اليوم الاول كان الهدف “إليكي” .. الخواجة عارف انه بيملك افضل مجموعة وسط في مصر والمجموعة دي محتاجة Striker بمواصفات خاصة متعددة ..
اللاعب السنغالي اليو بادجي
يعني يكون كورته عالية زي ” اجايي” وبيعمل عمق هجومي زي مروان وشرس زي ازارو لذلك لما فشلت الصفقة كان اسم ” اليو بادجي” في خانة البديل المناسب والرهان المرة دي كان على Quality اللاعب مش ارقامه ولالقطاته المجمعة اللي بتخدع اي حد . العين اختارت مهاجم يملك المواصفات الفنية . والمتابع لمنتخب شباب السنغال عارف انه منتخب مليء بالمواهب . ومواصفات” بادجي ” الفنية بتقول اننا قدام لاعب يملك الكثير لتقديمه للاهلي .
مهارات وأهداف اليو بادجي
مهاجم محطة طويل القامة 189سم يجيد ضربات الراس ويملك قدم قوية في التسديد . وبيقدر ينصهر وسط منظمومة اللعب الجماعي . غير انه في المواجهات الفردية واحد على واحد بيملك الحلول .
واهم نقطة انك بتضمه في وقت سطوعه (المنتظر ) وانتقاله من مرحلة الشباب لمرحلة النضج اللي فيها بيحقق ارقامه اللي لو وصلها بره مش هتعرف تجيبه الدوري المصري . 22 سنة نفس جيل رمضان صبحي باعتباره مواليد 97 يعني هيفضل فترة كبيرة زي رمضان مواليد 97 ..
لكنه يبقى كلام على ورق الى ان تترجم امكانياته وقدراته داخل الملعب .. اهلا بك ” اليو” في منظمومة العائلة والنظام والاحترافية .. هنا الاهلي قلعة البطولات ❤
اليو بادجي كثير من الحماس الذي لا يجب ان يتحول الى فوضى. كيف توظف طاقة جبارة لم تُخرج ما لديها بعد.
المهاجم السنغالي صاحب ال 22 عام . اول حاجة لما نتكلم عن اليو بادجي لازم نقول انه مهاجم حقيقي .لاعب عنده مقومات المهاجم الصريح ودي متوفره بوضوح في اليو بادجي. مش اجاي اللى بيلعب كجناح فى الاساسي او مهاجم وهمي وكمان مش بلسينج اليكي اللى قريب الشبة من ادوار اجاي.
سبب تعاقد الاهلي مع الدبابة السنغالية اليو بادجي
طيب هل اليو بادجي تصنيفة مهاجم سوبر ؟ . الاجابة انك متقدرش تصنفه كمهاجم سوبر ولكن اكيد تقدر تقول انه مهاجم واعد لو عملنا اعتبارات لعامل السن واحترافه المبكر.
يعني مش المهاجم اللي جايلك وهو فى اخر مشواره عشان تبقى مجرد نادي بيختم فيه .
لا اليو بادجي موهبة لو تفجرت فى الأهلي تقدر تحقق منها مكاسب لسنوات
فكرة تقييم اليو بادجي انه سجل 3 اهداف وصنع هدف واحد فى 16 مباراة الموسم الحالي هي فكرة خادعة جدا . لان معدل تهديف اللاعب بيتقاس للدقيقة .
بمعني ان اللاعب قدرته التهديفية بتتحسب كام هدف لكل 90 دقيقة . ي
عني ال 16 مباراة دول اصلهم 762 دقيقة يعني يعني تقريبا 8 مباريات بمعدل ال 90 دقيقة.
فايلر يعلن أول الراحلين عن الأهلي في الميركاتو الشتوي قائمة الراحلين عن الأهلي 2020
طيب فى مجمل تجربة اليو بادجي مع رابيد لعب 1825
د سجل فيهم 9 اهداف طيب لو هنقارن بأزارو الموسم الماضي اللى لعب تقريبا نفس عدد الدقائق 1819 فهنكتشف انه سجل فيهم 6 أهداف.
سهل كدة اني اقولك بسهولة يبقى اكيد اليو بادجي افضل .
برضوا لا ومش دة اقل مواسم ازارو ولو رجعنا للموسم اللى قبله هنلاقي ازارو كان معدله التهديفي افضل من كدة بكتير.
أهداف ومهارات أليو بادجي
الفكرة كلها فى امكانيات اللاعب وهل هي قابلة للتطور ولا لا ومقوماته الأساسية.
ودة اللي اقدر اتكلم فيه عن اليو بادجي اللى بيجيد جدا التمركز فى ال box وبيجيد التحرك داخل مناطق المنافس الدفاعية
وكمان مميز فى ضربات الرأس نتيجة طول القامة بس الأهم بالنسبالي انه بيسدد ومعدل تسديداته على مرمى المنافس مرتفع
ودى اللى افتقدناه فكرة المهاجم اللى عنده حلول. طيب هل لما يتواجد مع فريق بحجم الاهلي مع مجموعه لاعبين
مميزين ومعدل خلق للفرص هو الاعلى للاهلي فى مواسمه الاخيرة هل دة هينعكس عليه
وهيفجر مقوماته وارد جدا ووارد
لا يتألق بالشكل الكافي . بس اللي اقدر اقوله وانا واثق ان اليو بادجي عنده مواصفات احنا محتاجينها بقوة.
اليو بادجي السنغالي
حاجة اخيرة بيعجبني جدا فى اليو بادجي روحه ولكن بتتحول احيانا لاندفاع وعشان كدة اليو بادجي
محتاج شخصية مدرب قوية تسيطر عليه. وبرضوا لمرة تانية الاهلي بياخد risk انا فى اختيار فايلر قولت انه مش الاختيار الاسهل
كان ممكن بال CV تجيب مدرب فرص نجاحة نظريا اكبر ولكن النادي قرر يخوض تجربة بفلسفة مختلفة
| مرتضى منصور يخطف نجم الاهلي أنتقاما من الاهلي بعد صفقة كهربا |
والى الان قرار النادي يحسب له. وبرضوا فى المهاجم اكيد فى رايي كان فى خيارات اقوى نظريا
ولكن برضوا النادي راح لمساحة مختلفة ونوعية لاعبين بطموح مختلف وفى مغامرة جديدة .
هي دي كرة القدم ومتعتها وان مفيهاش صواب مطلق.
بس الاكيد واللي كلنا مستحيل نختلف عليه ان احتفالات اليو بادجي بالاهداف بتكون مميزة جدا وبروح مختلفة جدا وعشان كدة اتمنى انه لا يتوقف عن التسجيل او الاحتفال
تابع كل ما يخص جميع أخبار النادى الاهلى من هنا
